< <

<

Dildar Eziz 1959-yili 24-aprélda Xoten sheheride xizmetchi ailiside tughulghan. U bashlan’ghuch we ottura mekteplerni öz yurtida tamamlap,1976-yili Qeshqer pédagogika institutining Junggo til edebiyati fakultétigha qobul qilin’ghan (u esli Xenzu oqughuchilar bilen “minkawxen” bolup qobul qilin’ghan, biraq u birla chaghda Xenzu til-edebiyati oqughandin bashqa Uyghur til- edebiyatinimu tallap oqudi, mektep püttürgende bashqilar özi qobul qilin’ghan shu bir kesip, bir sinipningla imtihanigha qatnashqan bolsa, u özi tallap ögen’gen Uyghur til-edebiyati kespidinmu imtihan bérip imtihandin ela netije bilen ötti. Chünki u shu qaghlardila bilim öginishni qandaqtur diplom élish üchün emes, belki heqiqiy maharet igilesh üchün,hayatni menilik ötküzüsh üchün, dep qaraytti). U 1982-yildin étibaren Shinjiang Uyghur Aptonom Rayonluq Siyasiy Meslihet Kégishi «Shinjiang Tarix Matériyalliri» tehrir bölumide muherrir bolup ishlimekte. Emeliyette u bu xizmetni peqet 2004-yili 8-aygha qeder ishlidi, uningdin kéyin Parijgha bilim ashurushqa chiqti. 2005-yili 11- ayda qaytip kelgendin kéyin Siyasiy Kéngeshning siyaset tatqiqat ornida siyasiy kéngesh tezkirisini ishlesh ishi bilen shugullandi. unwani aliy muherrir.
U 1998-yildin 2003-yilgha qeder Junggo Uyghur tarix medeniyet tetqiqat jem’iyitining mudiriyet ezasi, Shinjiang 12 muqam tetqiqat jem’iyitining mudiriyet ezasi, Aptonom Rayonluq edebiy axbaratchilar jem’iyitining muawin bash katipi, Shinjang Uzbek til-edebiyat tetqiqat jem’iyitining ezasi boldi. Hazir u Shinjang yazghuqilar jem’iyitining hey'et ezasi. «Shinjang Ferhad-Shirin hösün tüzesh, chach yasash kespiy mektipi»ning Lidiri we pehri mudiri.